فوائد بروتين الكولاجين في الجسم

اليوم هتكلم عن بروتين ساحر بيعتبر اهم البروتينات في الجسم . بروتين نسبته في اجسامنا حوالي ٣٠٪ من كميه البروتينات الموجوده بالجسم . ونسبته في الجلد حوالي ٧٥٪ علشان كده هذا البروتين الساحر هو الذي يعطي النضاره والمرونه والحيويه للجلد بصفه عامه. بروتين مسئول عن منع التجاعيد والخطوط التي تظهر علي الوجه ويمنع الهالات السوداء. بروتين يفتح لون البشره . موضوعي هيكون عن البروتين. اللي بيشغل اهتمام النساء لانه هو المسئول عن نضاره وجههم . موضوعي عن البروتين الساحر “. الكولاجين. ” . هذا البروتين المهم في : ١_ تقويه الشعر والاظافر والعظام والاسنان. ٢_ تقويه الجيش المناعي . ٣_ تقويه عضله القلب . ٤_ المسئول عن نضاره البشره. ويمنع تجاعيد الوجه السؤال اللي علي لسان الستات والرجاله امتي الكولاجين ده يقل وازاي احافظ علي الكولاجين بتاعي . اولا الكولاجين بيقل مع تقدم العمر ونقص هرمون الجنس . ثانيا الضغط العصبي. وده نقف عنده شويه. في هرمون اسمه هرمون الكورتيزول ده اسمه هرمون التوتر الهرمون ده موجود عند كل خليه في الجسم. لما بيزيد في الجسم . خلايا الجسم كله بتتأثر. اولا هيزود السكر في الدم. يعني هيسبب سمنه ويخليك تاكل كتير. ثانيا الهرمون ده بيهدم الكولاجين زي ما انتي بتهدم بيتك بتخليه خرابه . الهرمون ده يأثر علي الكولاجين يهدمه وتظهر علامات التقدم في العمر. علشان كده ممكن تجد. امراه في الخمسينات. مزاجها النفسي مستقر هرمون الانوثه مظبوط عندها تجد وجهها فيه نضاره وشباب عن امرأه في التلاتينات عندها نقص في هرمون الانوثه . جوزها مطلع عنيها مثلا. او ظروف الحياه الصعبه اللي احنا عايشنها عامله لها اكتئاب تلاقيها زي ما بنقول عجزت بدري. ثالثا التدخين. والخمور لها تأثير قوي علي هدم الكولاجين. طيب سامعكم هتقوليلي والحل ايه هقولكم الحل انكم اولا البعد عن التوتر. تكبر دماغك يعني . ثانيا وده بكررها دايما. الغذاء هو الحل . شعار كلنا نرفعه لانه هو الأمن علي جسمنا. لازم اكلكم يحتوي علي الفيتامينات المضاده للاكسده . الكولاجين علشان يشتغل كويس ويقوم بدوره والابقاء عليه حيويا وحمايته من الهدم لابد من وجود الفيتامينات المضاده للاكسده واهمها فيتامين سي علشان كده اي كريم يحمل اسم الكولاجين هنجد فيتامين سي معاه علشان كده ي ستات عايزكم تستلغلو الليمون صح بعد الشاور الليمون تتدعكي به جسمك كله .. لان فيتامين سي بيحفز الجلد لانتاج الكولاجين…… الاسماك الدهنيه غنيه بالكولاجين زي التونه والماكريل والسردين والبوري والسالمون.. وايضا البقوليات غنيه به. كمان الالبان والبيض وحلبب الصويا غني بالكولاجين علشان كده اي ماسك فيه اللبن او بياض البيض او الزبادي. او عصير الليمون واي زيت زي اللوز او السمسم او المورنجا او زيت المشمش ده ممتاز لبشره كلها نضاره وحيويه…

قد يعجبك ايضا

اترك رد

This site uses Akismet to reduce spam. Learn how your comment data is processed.